6 okt 2021
Sərbəst iş qrafiki, kifayət qədər yaxşı qazanc və bonuslar, öz işinizin “Boss-u olmaq”, 9-6 qrafikli işinizdən əlavə pul qazanmaq və ya həftədə bir neçə saat avtomobil sürməklə əlavə gəlir əldə etmək istəyirsiniz? Və ya tamştatlı Bolt sürücüsü olaraq həftəyə 600 AZN gəlir qazanmaq?
Bir neçə gün ərzində Bolt platformasında sürücü kimi fəaliyyətə başlamaq üçün, gəlin, Sizi şərtlərimizlə tanış edək:
1-2 gün içində Bolt platformasında sürücü olaraq fəaliyyətə başla.
Bolt platformasında sürücü olmaq üçün, Azərbaycan Respublikasının qayda-qanunlarına uyğun olaraq, nəqliyyat vasitəsini idarə etmək üçün təyin olunan yaş və bir neçə digər tələblərə cavab verməlisiniz. Gəlin həmin tələblərlə tanış olaq:
Yuxarıdakı tələblərin hamısına cavab verirsinizsə, o zaman Bolt platformasına qoşulmaq üçün yalnızca qeydiyyatdan keçmək kifayət edir. Məlumatlarınızı daxil etdikdən sonra (3-5 dəqiqə vaxtınızı alacaq), təlimlər və onlara necə qoşulacağınızla bağlı bütün lazımı məlumatları özündə əks etdirən bir e-poçt alacaqsınız. Prosesi asanlaşdırmaq üçün zəhmət olmasa, avtomobilinizin şəkillərini də qeydiyyat formuna əlavə edin.
Təlimlər Bolt ofisində keçirilir (Aga Business Center, Xocalı Prospekti 55) və ya 10 dəqiqəlik bir testdən keçməklə online yolla da təlimlərimizə qoşula bilərsiniz. Narahat olmayın, bütün suallarınıza video təlimlərdə cavab tapacaqsınız.
Təlimi uğurla başa vurduqdan sonra, əgər nəqliyyat vasitənizin buraxılış ili 2010-cu ildən aşağıdırsa, o zaman Bolt komandasının əməkdaşları tərəfindən nəqliyyat vasitəsinə baxış keçiriləcək. Bu yolla avtomobilin tələblərə cavab verib-vermədiyini yoxlayırıq. Əgər avtomobiliniz yoxdursa, avtomobil icarəyə verən ortaqlarımızın təkliflərini dəyərləndirə bilərsiniz.
Hesabınızın hazır olması 1-2 gün çəkir, daha sonra isə Bolt platformasında sürücü olaraq fəaliyyətə başlaya bilərsiniz.
Bolt Sürücü tətbiqini yükləyin və elə ilk sərnişinin gediş sifarişini qəbul edin.
Əvvəlcə telefonunuza Apple Store və ya Play Market-dən Bolt Sürücü tətbiqini yükləməlisiniz. Tətbiqi istifadə etməyə başlamaq üçün seçdiyiniz istifadəçi adı və şifrə ilə daxil olun. Sürücü müraciətiniz təsdiqləndikdən sonra giriş məlumatlarınızı birbaşa e-poçtunuz vasitəli alacaqsınız.
Tətbiqdən istifadə çox asandır:
Siz sərnişinin qeyd etdiyi ünvana 4-5 dəqiqədir ki çatmısınızsa və hələdə sərnişin gəlməyibsə, o zaman onunla əlaqə saxlayın. Sağ üst küncdəki üç zolağı klikləməklə sərnişinə zəng etmək funksiyasını tapa bilərsiniz. Əgər sərnişin telefona cavab verməzsə, 5 dəqiqə sonra gedişi ləğv etmək hüququnuz var. Gedişi ləğv etməyin səbəbini “Müştəri görünmədi” olaraq işarələyin ki fəaliyyət xalınıza təsir etməsin.
Təyinat nöqtəsinə çatdığınız zaman, gedişi başa çatdırmaq üçün sağa sürüşdürün və sərnişinə xoş günlər arzulayın. Sərnişinləri məmnun etmək və reytinqinizi yüksək tutmaq üçün nəzakət ən vacib nüansdır. Reytinqinizi artırmaq üçün daha geniş məlumatı buradan oxuya bilərsiniz.
Ödəniş şərtləri
Müştərilər gediş haqqını iki cür ödəyə bilirlər: nağd və ya kart vasitəsilə. Ödəniş dövrü bazar ertəsi 00:00-dan növbəti bazar günü 23:59-a qədər davam edir. Balans hesabatları bundan sonra təqdim olunur.
Biz sizə ödənişlərinizi həftənin ilk yarısında göndəririk. Bankınızın işləmə tezliyindən asılı olaraq, vəsaitin hesabınızda əks olunması 1-2 iş günü arasında olacaqdır.
Faktiki rəqəmlərlə danışsaq, Bakıda bir Bolt sürücüsünün həftəlik ortalama qazancı 600 AZN -dir. Bu rəqəm ayda 2400 AZN-ə qədər çata bilər. Kifayət qədər yaxşı bir qazancdır, elə deyil?
Bəs digər xərclər?
Aylıq və ya sonradan yarana biləcək əlavə xərclər yoxdur – şəhərdən asılı olaraq sürücülər üçün ortalama komissiya 20%-dir. Daha ətraflı məlumat əldə etmək istəyirsinizsə, baku@bolt.eu e-mail ünvanı vasitəsilə bizimlə əlaqə saxlaya bilərsiniz.
Bolt sürücülərinə tətbiq olunan endirimlər barəsində buradan daha ətraflı məlumat əldə edə bilərsiniz, hətta onlardan bəziləri bütün Azərbaycan üzrə keçərlidir.
