18 apr 2022
Bir şirkət olaraq Bolt bu çətin anlarda Ukrayna xalqı ilə birlikdə möhkəm dayanır.
Əməkdaşlarımızın uğurlu səyləri haqqında da unutmamalıyıq. Bu bloq yazısında sizi Ukraynada xalqa dəstək təşəbbüsləri ilə çıxış edən komanda üzvlərimizlə tanış edəcəyik.
Bolt çevrəsində əməkdaşlar bir-birilərini çalışqan “bal porsuqları” deyə adlandırır. Əgər bilmirsinizsə, bal porsuqları Yer kürəmizin ən qorxmaz heyvanlarıdır. Onlar öz qabiliyyətlərinə elə inanırlar ki, özlərindən daha iri ölçüdə və gücdə olan düşmənlərə hücum etmək bacarığı ilə tanınırlar.
Şirkət kənarında olan cəmiyyətə bu gülməli səslənə bilər. Lakin bal porsuğu bənzətməsi bizim işimizi mükəmməl şəkildə təsvir edir. Bolt, baş verən hadisələri kənardan sakitcə izləyə bilməyən və hərəkətə keçmək üçün çağırış edən, bal porsuqlarından ibarət bir ailədir.
Bununla da biz təşəbbüs göstərən və tədbir görən əməkdaşlarımızla fəxr edirik.💙💛
Daxili Əlaqələr şöbəsinin müdiri Matis Bogens 24 fevral səhəri baş verənlərlə bağlı hər kəsi məlumatlandırmaq üçün Slack tətbiqində #support-ukraine kanalını açmışdır.
Şübhəsiz ki, insanlar dəstək olmaq, müzakirələrdə iştirak və hal-hazırkı vəziyyətin həlli yollarını tapmaq üçün kömək etmək istəyirdi. Habelə, adı çəkilən kanalın yüksəlişi bütün gözləntiləri sevindirici dərəcədə üstələyə bilmişdir.
10 gün ərzində bu kanala 1000-dən çox insan qoşulub və 1700-dən çox mesaj paylaşılmışdır. Onların əksəriyyəti yerli əhalini və ukraynalı əməkdaşları, ailələri, dostlarına humanitar böhranın artımı zamanı dəstək olub ya da kömək etmişdir. Sözügedən kanal həm də bu paylaşımda sadalanan, məsələn, Bolt buddy proqramı və ya köçmək üçün yardım layihələrində də zəmin olmuşdur.
2 həftə içərisində #support-ukraine bu günə qədər Bolt-da ən çox istifadə edilən kanallardan birinə çevrildi.( müqayisə üçün bizim 2000-dən çox aktiv kanalımız var)
Bu təşəbbüsün səbəbkarı, Matisdir:
Ona və danışıqlarda iştirak edən hamıya təşəkkür edirik!
Müharibə səbəbindən evini tərk etməyə məcbur qalanlar üçün əməkdaşlarımızın Ukraynadan köçməsi üçün başladılan yardım kampaniyası könüllü dəstək şəbəkəsinə dönmüşdür.
Hal-hazırda 50 nəfərdən çox Bolt-un könüllü dəstək şəbəkəsinə qoşulub və prosesi sürətləndirmək üçün Estoniya Qaçqınlar Şurası ilə davamlı şəkildə əməkdaşlıq qurulub.
Bütün bunların sayəsində könüllülər 120-dən çox insana müvəqqəti yaşayış, yemək, nəqliyyat və sənədləşmə, yaşayış icazəsi ilə bağlı köməklik göstərə bilmişdir.
Bu təşəbbüsün köməyi ilə Zaporojye Atom Elektrik Stansiyasının yaxınlığında yerləşən Kuşuyum şəhərindən köçən üç nəfər ailə indi təhlükəsiz yerdə qalır.
Bütün bu layihələrin arxasında bizim sevimli “ bal porsuqları” Eimantas Balta, Soniya Caetano, Gabriel Manduca və Arnaud Lafeuillade dayanır. Sizə minnətdarıq! Və köçkünlərə əllərindən gələn köməyi əsirgəməyən hər bir şəxsə təşəkkürümüzü bildiririk!
Arnaud Lafeuillade Keyfiyyət təminatı üzrə mühəndisdir.O həm də sənədli fotoqrafdır.
A.Lafeuillade 24 fevral öncəsi Donbas şəhərinə, hələ vəziyyət gərginləşmədikdən əvvəl şəkillər çəkmək üçün səyahət etmək istəyirdi.
Rusiyanın hücumu onun bütün planlarını alt-üst etdi. Baş verən hadisələrə görə Arnaud əsəbiləşsə də, yenə də kömək etmək istəyirdi.
İlk öncə, o Polşadan Estoniyaya doğru yola düşdü. Orada qalan iki qadını və Salem adlı pişiklərini Tallinə gətirdi, evinə dəvət etdi.
Bundan sonra, Arnaud Ukrayna xalqı üçün Estoniyadakı Ukrayna-yunan katolik kilsəsi-nin köməyi ilə humanitar yardım,ərzaq toplamı və onların köçməsi ilə bağlı təşəbbüs başlatdı.
Lazım olan məhsulların siyahısı:
Əgər Tallindəsinizsə və kömək etmək istəsəniz, Arnauda mesaj göndərin , o sizə hər şeyi ətraflı şəkildə izah edəcəkdir.
Bu təşəbbüsün üçün sənə təşəkkür edirik, Arnaud.
Fevralın 25-də axşam saatlarından biz Bolt xidmətimizi Ukraynanın Slovakiya və Polşa ilə olan sərhədlərinə qədər genişləndirdik.
Bu təşəbbüsün məqsədi ehtiyacı olanlara böyük şəhərlər və sərhəd bölgələri arası nəqliyyat imkanını təmin etməkdir.
Sürücülər bu gedişlərə görə heç bir komissiya haqqını ödəmir.
159 əməkdaşımız bu təşəbbüsdə iştirak etmişdir.Təşəkkür edirik!
Bolt Buddy layihəsi Polşalı komanda yoldaşımız Mixal Duzinski tərəfindən tərtib edilmişdir. Həmin layihə müharibə yerindən köçən ukraynalı əməkdaşlarımıza və onların ailələrinə kömək edən könüllülərdən ibarət dəstək qrupudur.
Könüllülərdən ibarət qrup həmin ailələrin qarşılaşa biləcəyi bir sıra problemin( yaşayış yerini tapmaqda, inzibati məsələlərdə, vəsiqələrin təşkilində və hüquqi sualların) həlli üzərində çalışır.
30-dan çox əməkdaşımız Bolt Buddy layihəsinə qoşulub.
Mixal və layihə iştirakçıları, sizə minnətdarıq! Sizin dəstəyiniz böyük dəyişikliklər yaradır!
Kömək etmək istəyirsiniz, lakin bilmirsiniz haradan başlayasınız? Aşağıda sizi maraqlandıracaq bəzi məqamlar qeyd edilib.
İlk öncə, Ukraynanı və onun xalqını dəstəkləyən QHT-yə ianə etmək olar.
Məsələn, Bolt ilə gediş edən və Bolt Food vasitəsilə yemək sifariş çatdıran hər kəsin köməyi ilə indiyə qədər dəstəklədiyimiz bəzi təşkilatlar bunlardır.
İkincisi, yerli qaçqın mərkəzi və ya Qırmızı Xaç komitəsinin filialı ilə əlaqə saxlaya və necə kömək edə biləcəyinizi öyrənə bilərsiniz.Siz könüllü ola biləcəyiniz digər yerli təşkilatları da tapa bilərsiniz.
Üçüncüsü, xəbərlərdən məlumatlı olun. Saxta xəbərlər və dezinformasiya sürətlə yayılır, nəticədə biz təbliğatın dağıdıcı təsirlərinin də şahid olmuşuq.
Yeni gündəm xəbərləri üçün etibarlı və tanınmış mediya kanallarını izləyin, ailənizin və dostlarınızın da eyni qaydaya əməl etdiyindən əmin olun.
Güc birlikdədir. Möhkəm dayan, Ukrayna!
