ხიდი ქართულ და იაპონურ კულტურებს შორის – “მოჩის“ ისტორია

გურმანებისთვის სიახლე არაა, რომ უცხო ქვეყნის კულტურისა და ტრადიციების გაცნობის ერთ-ერთი საუკეთესო გზა მისი სამზარეულოს დაგემოვნებაა. შორეულ იაპონიაში მოსახვედრად დღეს მოგზაურობაზე უფრო იოლი ალტერნატივაც არსებობს – ტრადიციული კერძების იაპონურ რესტორანში დაგემოვნება.

იაპონური სტუმართმოყვარეობა, დაუვიწყარი გემოები და კერძების ფართო არჩევანი – ეს იმ მიზეზების მხოლოდ მცირე ჩამონათვალია, რის გამოც უკვე 7 წელია, აზიური სამზარეულოს მოყვარულებისთვის, “მოჩი“ მეორე სახლადაა ქცეული. როგორ და როდის გაჩნდა “მოჩის“ შექმნის იდეა, რა არის რესტორნის მთავარი ღირებულებები და როგორია მისი სამომავლო გეგმები – ამ თემებზე “მოჩის“ მენეჯერს, გიორგი გაბედავას გავესაუბრეთ.

“ბრენდი ‘მოჩი’ 2017 წელს შეიქმნა. მისი დაარსების იდეა აზიური სამზარეულოთი გატაცებით და სტუმრებისთვის უნიკალური კულინარიული გამოცდილების შექმნის სურვილით გაჩნდა. ჩვენი ისტორია დაიწყო იმ მიზნით, რომ გაგვეცოცხლებინა ავთენტური იაპონური გემო. ჩვენი ფილოსოფიაა, შევქმნათ არა უბრალოდ რესტორანი, არამედ ადგილი, სადაც ყველა სტუმარი თავს ისე იგრძნობს, როგორც საკუთარ სახლში და დატკბება იაპონური სტუმართმოყვარეობის ატმოსფეროთი. ჩვენი მისიაა, ვიყოთ ხიდი ქართულ და იაპონურ კულტურებს შორის და მომხმარებლებს აზიური კერძების მაქსიმალურად ფართო არჩევანი შევთავაზოთ“. – იხსენებს გიორგი.

კითხვაზე, თუ რა არის “მოჩის“ წარმატების მთავარი საიდუმლო, გიორგი გვპასუხობს, რომ მათთვის ყველაზე მნიშვნელოვანი ხარისხია. რესტორნის ძველმა და ახალმა სტუმრებმა იციან, რომ ყველა კერძი საუკეთესო ინგრედიენტებითაა დამზადებული. გიორგი მათ, ვისაც სარესტორნო ბიზნესის დაწყება უნდათ, ურჩევს, რომ მოგების გაზრდის მიზნით ხარისხზე უარი არასდროს არ თქვან.

“ჩვენი საიდუმლო ხარისხშია. ჩვენი დაპირებაა, სტუმრებს შევთავაზოთ საუკეთესო ინგრედიენტები – საგულდაგულოდ შერჩეული თითოეული კერძისთვის. გვინდა, ჩვენმა მომხმარებლებმა მაქსიმალურად იგრძნონ იაპონური გემო. სხვებსაც ვურჩევდი, მუდმივად ხარისხზე იყვნენ კონცენტრირებულნი“.

დღეს “მოჩი“ არა მხოლოდ რესტორანი, არამედ დაუვიწყარი გამოცდილებაა. ამისათვის “მოჩის“ გუნდი სტუმრებს გემრიელ კერძებსა და შეუდარებელ სერვისს სთავაზობს და, რაც მთავარია, ყოველთვის ითვალისწინებს მათ აზრსა და საჭიროებებს:

“ყოველთვის ყურადღებით ვუსმენთ ჩვენი სტუმრების სურვილებსა და საჭიროებებს, რათა “მოჩიში“ ყოველი ვიზიტი განსაკუთრებული და დაუვიწყარი იყოს. ჩვენმა ერთგულმა მომხმარებლებმა იციან ჩვენი გემო და ხარისხი, შესაბამისად არ გვაძლევენ მოდუნების საშუალებას. მათ უკუკავშირს ყოველთვის ვითვალისწინებთ“. – ამბობს გიორგი.

მომხმარებელთა კმაყოფილებაზე ზრუნვის ერთ-ერთი მნიშვნელოვანი გზა კომფორტული მიტანის სერვისის უზრუნველყოფაა, რათა ყველას შეეძლოს საყვარელი კერძების სახლიდან გაუსვლელად დაგემოვნება. სწორედ ამიტომ “მოჩი“ Bolt Food-თან თანამშრომლობს:

“კერძის ხარისხთან ერთად, მისი ხარისხიანი ტრანსპორტირებაც მნიშვნელოვანია, რაშიც ჩვენი პარტნიორი Bolt Food გვეხმარება. ჩვენი თანამშრომლობის პერიოდში მომსახურებისა და მხარდაჭერის მიმართულებით არანაირი ხარვეზი არ გვქონია”.

ინტერვიუს ბოლოს გიორგიმ “მოჩისთან” დაკავშირებით სამომავლო გეგმები და სურვილებიც გაგვიმხილა:

“მოჩის“ ბრენდის განვითარება ასოცირდება მუდმივ გაუმჯობესებასთან და ზრდასთან, ახალი იდეებისა და კონცეფციების დანერგვასთან, ასევე ჩვენი ერთგული მომხმარებლებისა და იაპონური სამზარეულოს მოყვარული საზოგადოების გაფართოებასთან. ჩვენ ვცდილობთ, გავხდეთ მეტი – არა უბრალოდ რესტორანი, არამედ ადგილი, სადაც ხალხი მოდის უნიკალური გამოცდილებისა და შთაგონებისთვის“.