15 მარ. 2022
უკრაინელი ხალხის მხარდასაჭერად Bolt ევროპის არასამთავრობო ორგანიზაციებს ყოველი მგზავრობიდან 5%-ს გადაურიცხავს.
ეს პირდაპირი გადარიცხვაა Bolt-ის მხრიდან, რაც იმას ნიშნავს, რომ ჩვენი მძღოლების, კურიერებისა თუ პარტნიორი რესტორნების შემოსავალზე გავლენას არ ახდენს.
ამ ეტაპზე Bolt-მა 3 მილიონი ევრო გაიღო, მომავალში მეტის გადარიცხვა იგეგმება.
აქ იხილავთ ორგანიზაციების ჩამონათვალს, რომლებსაც ამ დრომდე დავეხმარეთ, ასევე გაეცნობით ინფორმაციას შერჩევის კრიტერიუმებისა და იმის შესახებ, თუ რაში იქნება გამოყენებული ეს თანხა.
Image source: Facebook page of the Ukrainian Cultural Centre
უკრაინის კულტურის ცენტრი შემოსულ თანხას იყენებს საწვავის, თავდაცვის, საკვების, ჰიგიენისთვის აუცილებელი პროდუქციის, სამედიცინო და პირველადი დახმარების ნივთების შესაძენად. დახმარებას უწევს მოხალისეებსა და იძულებით გადაადგილებულ პირებს როგორც უკრაინაში, ასევე ესტონეთში.
გადარიცხვისთვის საჭირო დეტალები:
Image source: Facebook page of the Estonian Refugee Council
ესტონეთის ლტოლვილთა საბჭო მხარდაჭერას უწევს საავადმყოფოებს და უზრუნველჰყოფს პერსონალის ტრანსპორტირებას ზაპოროჟიეში.
ორგანიზაციებისთვის გადარიცხვის წარმოება შესაძლებელია ბანკის ბმულის მეშვეობით მათ ვებგვერდზე ან ესტონეთის ლტოლვითა საბჭოს დონაციისთვის შექმნილ ანგარიშებზე:
თანხა პირდაპირ ეგზავნება პოლონეთის წითელ ჯვარს უკრაინაში სხვადასხვა ჰუმანიტარული დახმარების გასაწევად და პოლონეთში იძულებით გადაადგილებულ პირთა მხარდასაჭერად. ორგანიზაცია ეხმარება უკრაინის წითელ ჯვარს მედიკამენტების შეგროვებაში.
პოლონეთის წითელი ჯვრის მხარდაჭერა შეგიძლიათ მათთან პარტნიორობით, დამატებითი ინფორმაცია იხილეთ აქ.
Image source: Doctors Without Borders home page
ექიმები საზღვრების გარეშე თანხას იყენებს იძულებით გადაადგილებულ პირთა მხარდასაჭერად, სასწრაფო ჰუმანიტარული და განსაკუთრებული სამედიცინო დახმარებისთვის. უკვე გაგზავნა სამედიცინო აღჭურვილობა და პერსონალი უკრაინაში.
დონაცია შესაძლებელია გაკეთდეს ონლაინ.
პოლონეთის ჰუმანიტარული დახმარება უზრუნველჰყოფს საკვებისა და ჰიგიენური ნივთებით მომარაგებას. დაზარალებულებს უწევს როგორც ფინანსურ, ისე ფსიქოლოგიურ დახმარებას.
მათი დახმარება შესაძლებელია სხვადასხვა გზით, დამატებითი დეტალები იხილე ვებგვერდზე.
Image source: Päästeliit.ee
Päästeliit აგროვებს და გზავნის შესაბამის აღჭურვილობას უკრაინელი მეხანძრეებისთვის.
დონაცია შესაძლებელია მათი ვებგვერდის მეშვეობით..
MTÜ Mondo უზრუნველჰყოფს ჰუმანიტარულ დახმარებას საკვებით, ფსიქოლოგიური მხარდაჭერით, ჰიგიენური და სამედიცინო საშუალებებით. მათი პარტნიორები არიან ისეთი ადგილობრივი არასამთავრობო ორგანიზაციები, როგორებიცაა Vostok SOS და People In Need-ის უკრაინის ფილიალი.
დონაცია შესაძლებელია მათი ვებგვერდის მეშვეობით.
ლატვიის ბავშვთა ჰოსპიტალი ეხმარება ბავშვთა ჰოსპიტლებს, რათა ექიმებმა შეძლონ გადაუდებელი სამედიცინო დახმარების გაწევა დაშავებული ბავშვების, ხანძრის მსხვერპლთა და სხვა პაციენტებისთვის.
ეროვნული თავდაცვის ხელშეწყობის ფონდი თანხას იყენებს იძულებით გადაადგილებული პირებისთვის მედიკამენტებისა და სამედიცინო დახმარების მისაწოდებლად. ასევე აგზავნის სასწრაფო დახმარების ეკიპაჟებს ესტონეთიდან.
დონაცია შესაძლებელია ტელეფონის ნომერზე ზარის მეშვეობით. 900 5380-ზე განხორციელებული ზარით შესაძლებელია 5 ევროს გადარიცხვა, 900 2380-ზე განხორციელებული ზარით 25 ევროსი. ასევე შესაძლებელია თანხის გადარიცხვა საბანკო ანგარიშზე:
უკრაინულ-ბერძნული კათოლიკური ეკლესია ესტონეთში უზრუნველჰყოფს სისხლის დონაციას, სხვადასხვა სამედიცინო საშუალებების შეძენას ესტონეთში Confido-სთან თანამშრომლობით და მათ უკრაინაში ტრანსპორტირებას.
თანხა პირდაპირ ჩაირიცხება ეკლესიის საბანკო ანგარიშზე:
გარდა ზემოთ ჩამოთვლილისა, Bolt-მა თანხა გადარიცხა უკრაინის სოციალური დაცვის სამინისტროს. ის მიაწოდებს თანხას უკრაინაში არსებულ ორგანიზაციებს, რომლებიც პასუხისმგებელნი არიან იძულებით გადაადგილებულ პირთა თავშესაფრით, საკვებით, ტანსაცმლითა და მედიკამენტებით უზრუნველჰყოფაზე.
ჩვენი განაცხადის შემდეგ ჩვენ ორგანიზაციების საკმაოდ დიდი რიცხვი დაგვიკავშირდა.
ჩვენი მოხალისეთა ჯგუფი ახარისხებს ამ ორგანიზაციებს და მიჰყვება შესაბამის პროცედურას:
თუ თქვენ წარმოადგენთ კომპანიას, რომელიც დაინტერესებულია ჩვენთან ერთად ამ აქტივობაში ჩართვით, ან ხართ არასამთავრობო ორგანიზაცია, რომელსაც დახმარება სჭირდება, მოგვწერეთ მეილზე: aid-ukraine@bolt.eu.
ერთად დავუჭიროთ მხარი უკრაინას! 💙💛
Bolt-ის გუნდი
