5 კოშმარი, რომლისგანაც დაცული ხარ, როცა საჭმელს Bolt Food-ით იძახებ.

საშინელებათა ჟანრის ფილმები, საშიში ისტორიები და კოშმარები ხშირად ჰელოუინთან ასოცირდება, თუმცა ყოველი დღე შეიძლება ჰელოუინად იქცეს, როცა საჭმლის გამოძახება იმედგაცრუებით მთავრდება.

თუ შეკვეთის მიღებამდე ათასგვარ საშიშ სცენარს წარმოიდგენ ხოლმე, მარტო არ ხარ, თუმცა იცოდე, რომ მათგან თავის დაღწევა შესაძლებელია! ამ სტატიაში 5 კოშმარზე მოგიყვებით, რომელთა გამოცდა საჭმლის Bolt Food-ით გამოძახებისას არასდროს მოგიწევს:

1. შეკვეთაში ჩაღვრილი სასმელი

გამოძახებულ საჭმელს ისე არაფერი აფუჭებს, როგორც შეკვეთაში ჩაღვრილი სასმელი. ასეთ დროს ყველაზე მადისაღმძვრელი ბურგერის, შაურმისა თუ კარტოფილი ფრის ჭამაც აღარ გინდება და ცუდი განწყობაც მთელი დღის განმავლობაში მიგყვება. ჩვენ ყოველდღე დაუღალავად ვმუშაობთ, რომ მსგავსი პრობლემა არ შეგექმნათ. ჩვენი პარტნიორი ობიექტები და კურიერები სასმლის უსაფრთხო ტრანსპორტირებაზე მაქსიმალურად ზრუნავენ, რათა შენი შეკვეთისგან მაქსიმალური სიამოვნება მიიღო.

2. ცივი ხინკალი

ზოგს ხორცის ხინკალი უყვარს, ზოგს ყველის, სოკოსი თუ კარტოფილის ურჩევნია, თუმცა ყველა ერთხმად თანხმდება იმაზე, რომ ხინკალი ცხელი უნდა იყოს. ასე რომ, შეკვეთაში ცივი ხინკლის დანახვა არავის არ უხარია. Bolt Food-ში დროულობის მნიშვნელობა კარგად გვესმის, ამიტომ მუდამ ვზრუნავთ იმაზე, რომ კერძი იქამდე მოგიტანოთ, სანამ გაცივდება, რათა საჭმლის გამოძახება შენთვის დადებით გამოცდილებად იქცეს. 

3. დაკარგული კურიერი

საჭმლის გამოძახებისას, ალბათ, არაერთხელ გინერვიულია იმაზე, რომ კურიერი შენს სახლს ვერ მოაგნებს, სადმე გზა აებნევა და მშიერს დაგტოვებს. ჩვენთან მაგ საფრთხისგან დაზღვეული ხარ. Bolt Food-ის მხარდაჭერის გუნდი კურიერებთან და მომხმარებლებთან მუდმივად ხაზზე იმყოფება, ამიტომ შენს საჭმელს დაკარგვის საფრთხე არ ემუქრება.

4. არეული შეკვეთა

მიღებულ საჭმელს კარის ზღურბლზე გადაბიჯებამდე ხსნი, რათა დარწმუნდე, რომ ნამდვილად შენი შეკვეთა მოგიტანეს? ჩვენთან მსგავსი სადარდებელი არ გექნება. Bolt Food-ის კურიერების 95%-ს ჩანთაში მხოლოდ ერთი შეკვეთა აქვს, ამიტომ თითქმის შეუძლებელია, რომ სხვისი შეკვეთა მიიღო.

5. მომხმარებელთა მხარდაჭერის უყურადღებო გუნდი

როცა საჭმელს Bolt Food-ით იძახებ, ზუსტად იცი, რომ, იმ შემთხვევაშიც კი, თუ რამით უკმაყოფილო დარჩი, ჩვენი მხარდაჭერის გუნდი დახმარებასა და ხარვეზის აღმოფხვრას მაქსიმალურად სწრაფად და ეფექტურად შეძლებს. Bolt Food-ის მხარდაჭერის გუნდი დაუღალავად მუშაობს იმისთვის, რომ საჭმლის გამოძახება შენთვის მაქსიმალურად სასიამოვნო და მარტივ გამოცდილებად აქციოს.