31 მაი. 2021
ავტომობილის სათანადო მოვლა, სისუფთავის შენარჩუნება აუცილებელია, წინააღმდეგ შემთხვევაში ახალი მანქანის ვიზუალსაც საკმაოდ სწრაფად შეექმნება საფრთხე. თუმცა, რამდენიმე ხარისხიანი პროდუქტის, ცოტა დროისა და ძალისხმევის მეშვეობით შენ შეძლებ ავტომობილის მწყობრში მოყვანას.
სტატიაში იხილავ ავტომობილის გარე და შიდა ნაწილის გასუფთავებასთან დაკავშირებულ რჩევებს, რომელიც დაიცავს შენს ავტომობილს.
შეიძლება უცნაურად მოგეჩვენოს, მაგრამ არსებობს კარგი მიზეზი, თუ რატომაა უკეთესი საბურავების გასუფთავებით დაწყება.
საბურავების სპრეის გამოყენებამ შესაძლოა ავტომობილის ექსტერიერიც დააზიანოს და ამიტომ უმჯობესია თუ თავდაპირველად საბურავების წმენდით დაიწყებ, რომ შეძლო საზღვრებს გარეთ გადასული შხეფების თავისუფლად გასუფთავება.
დაიწყე საბურავებიდან მტვრისა და სხვადასხვა ზედმეტი ნაწილაკების წყლით ჩამორეცხვით. უნდა შეარჩიო საბურავების რეზინის ისეთი საწმენდი, რომელიც დისკებს შეესაბამება. შემდეგ საბურავების საწმენდით სათანადოდ გაწმინდე რეზინა და დისკი. გამოიყენეთ სუფთა ღრუბელი და რეზინის საწმენდი ფუნჯი, რომ არ დარჩეს უსუფთაო ნაწილები. ამის შემდეგ კარგად ჩამორეცხე წყლით.
მომდევნო ეტაპზე უკვე საბურავების გაშრობაა, რისთვისაც ნაჭერი უნდა გამოიყენო. ბორბლების გასაპრიალებლად და სხვადასხვა ნაწილაკებისგან დასაცავად შეგიძლია შეიძინო სპეციალური სპრეი ან გელი.
საბურავების დასუფთავების შემდეგ უკვე ავტომობილის გარეცხვაზე შეგიძლია გადახვიდე.
ავტომობილის გასარეცხად უმჯობესია წყლის ძლიერი ჭავლის გამოყენება, რომ კარგად ჩამორეცხო ჭუჭყი. შესაძლოა ამ დრომდე გაგონილი გქონდა, რომ ჭურჭლის სარეცხი საშუალებების გამოყენებაც შეიძლებოდა ავტომობილისთვის, თუმცა ეს პირიქით დააზიანებს ავტომობილის ზედაპირზე გადასმულ დამცავ გარსს, რადგან მათი დანიშნულებაა ცხიმთან და ზეთოვან ზედაპირებთან ბრძოლა.
უმჯობესია ავტომობილის შამპუნის გამოყენება, რომელიც სპეციალურად ამგვარი რეცხვისთვისაა შექმნილი.
აავსე სათლი თბილი წყლით და დაუმატე ავტომობილის შამპუნის განსაზღვრული ოდენობა, როგორებიცაა მაგალითად Turtle Wax, Armor All, or Chemical Guy’s Mr. Pink Super Suds Car Wash (რომლებიც სასიამოვნო სურნელითაც გამოირჩევა).
შემდეგ გამოიყენე ღრუბელი. თბილ ამინდში გარეცხე ავტომობილი ისეთ ადგილებში, სადაც ის რეცხვის დასრულებამდე სწრაფად არ გაშრება.
მცირე ნაკაწრების გასაპრიალებლად და დასაფარად რაიმე გამაპრიალებელი საშუალების გამოყენება შეგიძლია. ამის გაკეთება შესაძლებელია სპეციალური სპრეისა და ნაჭრის საშუალებითაც.
მიუხედავად იმისა, რომ ფაქტობრივად ავტომობილის ფანჯრის გარე ნაწილი უკვე გარეცხე, უმჯობესია თუ გამოიყენებ მინის საწმენდ საშუალებებს. შესაძლებელია სუფთა, ძველი გაზეთის ან ნაჭრის გამოყენება ზედაპირის გასაპრიალებლად.
გარე ნაწილის გასუფთავების შემდეგ იგივე გაიმეორე მინის შიდა მხარის გასასუფთავებლადაც, რომ გაწმინდო თითებისგან დარჩენილი ლაქები. არ დაგავიწყდეს გვერდითი მხედველობის სარკების გაწმენდაც!
ავტომობილში დიდი დროის გატარების შემდეგ სალონი ნელ-ნელა კარგავს მის ახლებურ ბრწყინვალებას და უკვე მოძველებულ იერს იღებს. თუ შინაური ცხოველი ან ბავშვები გყავს, სავარძლებიც მალე გაჭუჭყიანდება, ცხოველის ბეწვით დაიფარება ან საკვების ნამცეცებით აივსება. ეს ყველაფერი შეიძლება გამოსწორდეს ავტომობილის ხალიჩის გამოტანითა და მტვერსასრუტით წმენდით.
უმჯობესია თუ სალონის საწმენდად ხარისხიან საშუალებას იყიდი, რითაც საკუთარ დროსა და ენერგიას დაზოგავ. ეს საშუალებები შეიძლება იყოს სპრეის, ქაფის სახით, რომელიც მარტივად დაიტანება ზედაპირზე. გამოირჩევა ფასების მრავალფეროვნებით და ბონუსად სასიამოვნო სურნელიც აქვს.
თუ შენს ავტომობილს სერიოზული წმენდა სჭირდება, ამისთვის პროფესიონალური სერვის-ცენტრებიც არსებობს, რომლებშიც შესაძლებელია ავტომობილის საგულდაგულოდ დასუფთავება.
ახლა შენი ავტომობილი იდეალურად გამოიყურება და გინდა ეს ყველამ ნახოს, ისე, რომ დამატებითი თანხაც მიიღო ამისთვის? მაშინ დარეგისტრირდი Bolt-ის პარტნიორ მძღოლად და თავად ნახავ, რომ შენი შრომა ავტომობილის იდეალური სისუფთავისთვის დაგიფასდება, ამისთვის ჩაისაც მიიღებ მგზავრებისგან!
