9 ივნ. 2021
თუ ახალ ავტომობილს იძენ, შესაბამისი ვარიანტის შერჩევა არაა რთული. საჭიროა მხოლოდ საძიებო ველის გახსნა და ჩაწერა “გასაყიდი ავტომობილები ჩემს მახლობლად”. ასევე შენ შეგიძლია მოძებნო ისეთი ვებ-გვერდები, რომლებიც გამოყენებული ავტომობილების გადაყიდვაზეა ორიენტირებული.
გასაყიდი გამოყენებული ავტომობილის ნახვა არ არის რთული. რთულია იმის ცოდნა, თუ რა უნდა გაითვალისწინო იმისთვის, რომ საუკეთესო ვარიანტი შეარჩიო მისაღებ ფასად. თუ ეძებ რჩევებს იმის შესახებ, თუ როგორც უნდა შეარჩიო შენთვის საუკეთესო პირველი ავტომობილი, აქ იხილავ შესაბამის ინფორმაციას.
თუ ერთი შეხედვით ყველაფერი იდეალურ მდგომარეობაშია, ეს კიდევ ერთხელ გადამოწმების მიზეზს იძლევა.
აუცილებლად მოითხოვე VIN (Vehicle Identification Number), რომ გადაამოწმო იყო თუ არა ეს ავტომობილი რომელიმე ავტოსაგზაო შემთხვევაში მოყოლილი.
თუ ამ საფეხურის გამოტოვება გსურს, გაითვალისწინე, რომ მსოფლიოში მრავალი საშინელებათა ისტორია არსებობს, რომლის მიხედვითაც მყიდველმა ძალიან ინანა ავოტმობილის შეძენა მისი ისტორიის გადამოწმების გარეშე.
ავტომობილის ისტორიის გადამოწმების შემდეგ შეგიძლია ახალ საფეხურზე გადახვიდე.
ზედმიწევნით გადაამოწმე ავტომობილის ექსტერიერი, შეამოწმე ნებისმიერი ტიპის დაზიანება. ცხადია ძალიან არ უნდა იდარდო უმცირეს დაზიანებებზე, რომლებიც მოსალოდნელია გამოყენებული ავტომობილისგან (იმედია ამ ფაქტს მფლობელი გაითვალისწინებს საფასურის დასახელებისას). შენ უნდა გაითვალისწინო სერიოზული დაზიანებები, რომელთა შეკეთება დიდ თანხას მოითხოვს ან საერთოდ არ გამოსწორდება.
გააღე და დაკეტე კარი, კაპოტი და საბარგული – შეამოწმე ნებისმიერი უცნაურობა, რომელიც შესაძლოა თან ახლდეს მის გაღება-დაკეტვას, რაც იმაზე მიუთითებს, რომ ოდესღაც დაზიანებული იყო და ბოლომდე ვერ შეკეთდა.
ასევე, მიაქციე ყურადღება გადასულ საღებავს, რომელიც იმაზე მიუთითებს, რომ კონკრეტული ადგილი დაზიანებული იყო. შეამოწმე ავტომობილის ქვედა ნაწილი სითხის გაჟონვასთან დაკავშირებით.
ბოლოს შეამოწმე საბურავები და დარწმუნდი, რომ ოთხივე ბორბალი თანაბარია.
ყველამ იცის, რომ როდესაც ახალი ავტომობილის ყიდვის პროცესში ხარ კაპოტიც უნდა გააღო და შეამოწმო ავტომობილი. თუმცა იმის ცოდნა თუ რას უყურებ უკვე სხვა ისტორიაა!
გამორთე ავტომობილი და გახსენი კაპოტი, შეამოწმე არის თუ არა რამე გაჟონილი. შეამოწმე კოროზიის ან დაზიანებული მილების/ღვედების ნიშნები.
მოტორის ზეთი უნდა იყოს ღია ყავისფერი.
ჩაჯექი ავტომობილში და შეამოწმე არის თუ არა რამე დაზიანება. თუ უსიამოვნო სუნს იგრძნობ, შეამოწმე ხალიჩა, მატები.
კომფორტულად მოკალათდი მძღოლის სავარძელში და შეამოწმე ავტომობილის პანელი. ცხადია მცირე გარბენა ყველაფერს არ წყვეტს ავტომობილის ყიდვისას, თუმცა მთავარი კომპონენტია ფასის დაწესებისას. მაღალი გარბენის მქონე ავტომობილი მექანიკურ კომპონენტებზე მეტად გაცვეთილი იქნება და მეტ რესურსს მოითხოვს.
იმისთვის, რომ გაიგო ავტომობილის გარბენის დონე, სპიდომეტრზე არსებული მონაცემები გაყავი ავტომობილის ასაკზე. მაგალითად, ავტომობილის საშუალო დაახლოებით 20000 კმ-ს მოიცავს ყოველ წელს.
თუ ყველაფერი წესრიგშია, უკვე ტესტ-დრაივისთვისაც შეიძლება მოემზადო. თუ ავტომობილი სხვადასხვა მხარეს იხრება, ეს ავტომობილის პრობლემაზე მიუთითებს. დარწმუნდი, რომ ზოგადი მანევრირება შენს გემოვნებას შეეფერება.
თუ რაღაც გაურკვეველი ხმა მოგესმა ავტომობილის მართვისას, აუცილებლად მიმართე ადგილობრივ სახელოსნოს და სთხოვე შენთან ერთად ტესტ-დრაივზე გამოყოლა. ეს სერვისი არ იქნება უფასო, თუმცა მომავალში ბევრ შესაძლო პრობლემას აგარიდებს თავიდან. თუ გამყიდველი დაგაჩქარებს, გაითვალისწინე, რომ ეს შენთვის გამაფრთხილებელი ნიშანი უნდა იყოს.
შეძენის შემდეგ, თუ ასვე დამატებითი შემოსავლის წყაროს ძიებას დაიწყებ, შეგიძლია გახდე Bolt-ის მძღოლი.
დარეგისტრირდი მძღოლად დღესვე!
