Bolt Food 5 წლისაა — 5 მიზეზი, თუ რატომ ვიქეცით შენს საყვარელ აპლიკაციად

Bolt Food 5 წლის გახდა! დაბადების დღე ნებისმიერი ადამიანისთვის თუ კომპანიისთვის მნიშვნელოვანი თარიღია, რადგან სადღესასწაულო განწყობის შექმნასთან ერთად, შეგვიძლია, ყველა ის გამოცდილება შევაჯამოთ, რომელიც გასულ წლებში მივიღეთ და დიდი სამომავლო მიზნებიც დავისახოთ.

გლობალურ ბაზარზე გატარებული 5, საქართველოში კი 3 წლის განმავლობაში მომხმარებლებთან და პარტნიორებთან ურთიერთობამ უამრავი საინტერესო გაკვეთილი და სასიამოვნო მოგონება დაგვიტოვა. მოდი, ერთად გავიხსენოთ, თუ როგორ და რატომ ვიქეცით შენს საყვარელ აპლიკაციად.

1. დაუვიწყარი წვეულებების მოწყობაში გეხმარებით

დაუვიწყარი წვეულების მოწყობა და საუკეთესო მოგონებების შექმნა გემრიელი საჭმლის გარეშე წარმოუდგენელია. იცოდი, რომ 5 წლის განმავლობაში პიცით 2,614,294 წვეულება მოვამარაგეთ? თუმცა, პიცის გარდა, ჩვენთან კიდევ უამრავ გემრიელობას აღმოაჩენ და წვეულების ყველაზე პრეტენზიული სტუმარიც კი არ დაგრჩება ნაწყენი! მოკლედ, შენ წვეულება დაგეგმე და გემრიელი საჭმლის უსწრაფესად მოტანა ჩვენზე იყოს.

2. შენ გვერდით ვართ, როცა ჯანსაღად კვებას გადაწყვეტ

შენ გვერდით ვართ ყოველი ორშაბათიდან, როცა ჯანსაღად კვებას გადაწყვეტ. ამ პირობის შესასრულებლად 5 წლის განმავლობაში ჩვენს ერთგულ მომხმარებლებს 3,685,319 პოკე მივუტანეთ. მაგრამ თუ ხანდახან დადებულ პირობას დაარღვევ და ბურგერი მოგინდება, არც ეგაა პრობლემა — 5 წლის განმავლობაში გაგზავნილი 20,570,032 ბურგერს შენს შეკვეთასაც დიდი სიამოვნებით მივუმატებთ.

3. როცა მაცივარი ცარიელია, საუკეთესო გამოსავალს გთავაზობთ

ცარიელი მაცივარი ხასიათს ვერასდროს ვერ გაგიფუჭებს, როცა იცი, რომ Bolt Food-ის აპლიკაციაში კერძებისა და სასუსნავების დიდი არჩევანი გელოდება. 5 წლის განმავლობაში 475,257 ადამიანს მივუტანეთ შაურმა და შეგიძლია, მათ რიცხვს შენც ნებისმიერ დროს შეუერთდე.

4. ჩვენი პუნქტუალურობის იმედი მუდამ გაქვს

როცა გშია, ჯანსაღად კვება გაქვს გადაწყვეტილი ან წვეულებას აწყობ, გემრიელ საჭმელთან ერთად, დროული მიტანის სერვისი უმნიშვნელოვანესია. რა თქმა უნდა, ჩვენი ერთგული მომხმარებლების წინაშე აღებულ პასუხისმგებლობას ვაცნობიერებთ და მუდმივად ვმუშაობთ იმაზე, რომ შენი საყვარელი კერძი შენთან ზუსტად იმ დროს გაჩნდეს, როცა ელოდები.

5. არ ვაჩერებთ განვითარებას

Bolt Food საქართველოს ბაზარზე უკვე 3 წლისაა. დღეს თბილისსა და ბათუმში ვოპერირებთ და შენთვის საუკეთესო კულინარიული თავგადასავლის შესაქმნელად გამორჩეულ რესტორნებთან და ობიექტებთან ვთანამშრომლობთ. ჩვენი მთავარი მიზანი გემრიელი კერძების დროულად მოტანა და შენთვის საუკეთესო გამოცდილების შექმნაა. როგორც უკვე ვთქვით, დაბადების დღე დიდი სამომავლო გეგმების დასასახად შესანიშნავი შესაძლებლობაა, ამიტომ ჩვენც გპირდებით, რომ მომავალში უფრო მეტი სიახლით გაგანებივრებთ.

თვალი ადევნე ჩვენს აპლიკაციას, სადაც ჩვენი დაბადების დღის აღსანიშნად განსაკუთრებული საჩუქარი გელოდება! 🎁