16 აპრ. 2025
თუ ხშირად მოგზაურობ და თავგადასავლები შენი მოწოდებაა, ქუთაისის აეროპორტი შენთვის არც თუ ისე უცნობი მისამართი უნდა იყოს. ქუთაისში ახლა ჩამოფრინდი თუ ახალ თავგადასავლებში თავით გადასაშვებად ემზადები? საიმედო ტაქსის სერვისს ხომ არ ეძებ?
მაშინ სწორ ადგილას ხარ! Bolt-ით შეგიძლია კომფორტულად და უსაფრთხოდ იმგზავრო როცა გინდა, სადაც გინდა, მათ შორის ქუთაისის აეროპორტამდე ან პირიქით. ხარისხიანი, სანდო და სწრაფი აეროპორტის ტაქსი უამრავ დროს დაგიზოგავს, რომელიც მოგზაურობისას განსაკუთრებით ძვირად ფასობს. Bolt კი აეროპორტის ტაქსის საუკეთესო ალტერნატივაა.
საქართველოში სამი საერთაშორისო აეროპორტი ფუნქციონირებს და ქუთაისის საერთაშორისო აეროპორტი ერთ-ერთი მათგანია. მას ხშირად მოიხსენიებენ, როგორც დავით აღმაშენებლის სახელობის აეროპორტს ან, უფრო შინაურულად კოპიტნარსაც ეძახიან.
ქუთაისიდან აეროპორტამდე მანძილი სულ რაღაც 14 კილომეტრია, თბილისიდან 200 კილომეტრი, ხოლო ბათუმიდან 106 კილომეტრი. აეროპორტის თვითმიზანია უზრუნველყოს ხელმისაწვდომი ფასები, რათა საქართველო უფრო მიმზიდველი ტურისტული დანიშნულების ადგილი გახდეს და ადგილობრივ მოსახლეობას მიეცეს საშუალება, იმოგზაურონ სხვადასხვა ქვეყანაში რაც შეიძლება ბიუჯეტურად.
ხელსაყრელი ამინდის პირობებისა და განვითარებული ინფრასტრუქტურის წყალობით, ქუთაისის აეროპორტი სათადარიგო აეროდრომის ფუნქციასაც ასრულებს, რაც იმას ნიშნავს, რომ აქ შესაძლებელია რეისების განხორციელება ნებისმიერ ამინდსა და ხილვადობის პირობებში.
ქუთაისი აეროპორტს მოგზაურებისთვის ძალიან მოსახერხებელი სერვისი აქვთ, რაშიც უფასო Check-in მოიაზრება. ამის მეშვეობით შენ შეგიძლია წინასწარ დარეგისტრირდე რეისზე ყოველგვარი დამატებითი გადასახადის გარეშე, რაც დაზოგავს შენს დროსა და ფინანსებს აეროპორტში.
აქვეა ავიაბილეთების კალენდარიც, რომელიც ძალიან დაგეხმარება მარტივად, ერთ სისტემაში იხილო ქუთაისის აეროპორტიდან არსებული ყველა ბიუჯეტური ავიაბილეთის ღირებულება. საკმარისია უბრალოდ ავირჩიოთ სასურველი მიმართულება და სისტემა ავტომატურად შემოგვთავაზებს ყველაზე ხელმისაწვდომ ფასებს.
აეროპორტამდე საკუთარი ავტომობილით მისვლა ხშირად დამატებით სირთულეებთანაა დაკავშირებული. ქუტაისის აეროპორტი საპარკინგე სივრცეს გთავაზობს, მაგრამ წარმოიდგინე, როგორი არაკომფორტულია, როცა აეროპორტის პარკინგზე თავისუფალი ადგილის ძებნაში დროს კარგავ, ნერვიულობ და ხშირ შემთხვევაში, ზედმეტი თანხის გადახდაც გიწევს. ეს ყველაფერი მაშინ, როცა მოგზაურობის წინ სასიამოვნო განწყობა გჭირდება.
თუმცა, მარტივი გამოსავალი მოგიფიქრეთ! Bolt-ის აპლიკაციის საშუალებით შეგიძლია გამოიძახო კომფორტული ტაქსი პირდაპირ შენი სახლიდან აეროპორტამდე. დაივიწყე საპარკინგე ადგილის ძებნა, ზედმეტი ხარჯები და ძვირფასი დროის კარგვა.
თუ უკვე საგულდაგულოდ დაათვალიერე ფრენები ქუთაისიდან და მომავალ დანიშნულების პუნქტსაც თვალი დაადგი, ჩაალაგე ბარგი და მგზავრობა Bolt-ის აპლიკაციაში დაგეგმე. შეგიძლია წინასწარ 90 დღით ადრეც კი დაგეგმო მგზავრობა, ზუსტად იმ დროისთვის, როცა გჭირდება, და მშვიდად მიხვიდე დანიშნულების ადგილას, ფრენაზე დაგვიანების გარეშე.
ალბათ იკითხავ, რას ნიშნავს მგზავრობის წინასწარ დაგეგმვა? ახლავე გაგცემთ პასუხს.
მგზავრობის წინასწარ დაგეგმვა საგრძნობლად შეამცირებს მოგზაურობის თანმდევ სტრესს. აპლიკაციაში გააქტიურებული ფუნქციის საშუალებით, შეგიძლია დაგეგმო აეროპორტის ტრანსფერი ნებისმიერ დროს.
და რაც მთავარია, დაგეგმვის მომენტში დაფიქსირებული ფასი გარანტირებულია – შეგიძლია აეროპორტის ტაქსი 90 დღით ადრეც კი დაჯავშნო!
მგზავრობის წინასწარ დაგეგმვა ფრენის დროის გაკონტროლებაშიც დაგეხმარება. ჩვენ გამოგიგზავნით შეტყობინებას როგორც გამგზავრებამდე ერთი დღით ადრე, ასევე ერთი საათით ადრე, სანამ მძღოლი შენკენ გამოემართება. Bolt-ის აპლიკაციაში არაერთი საჭირო ფუნქციაა გააქტიურებული, რომელიც იმისთვის შეიქმნა, რომ შენი აეროპორტის ტრანსფერი ბევრად მარტივი და კომფორტული გამოცდილება ყოფილიყო.
თავი რომ მოვუყაროთ, შენს წინაშეა Bolt-ის დაგეგმილი მგზავრობების უპირატესობები:
თუ ის მეგობარი ხარ, რომელიც ყოველთვის ყველაზე გვიან ემზადება, ამისთვისაც საკმარისი დრო გექნება: მძღოლი შენს მისამართზე 10 წუთი დაგელოდება, ხოლო დამატებით 5 წუთიანი უფასო ლოდინის დრო 10 წუთის გასვლის შემდეგ ჩაირთვება.
დაგეგმილი მგზავრობების შესახებ უფრო დეტალურ ინფორმაციას შეგიძლია ჩვენს ბლოგში გაეცნო.
აეროპორტიდან სულ რაღაც 14 კილომეტრში მდებარე სავარდო და სამაისო ქალაქ ქუთაისზე ძალიან ბევრი რამის თქმა შეიძლება. თუ გადაწყვეტ, რომ შენს სამოგზაურო გეგმაში ქუთაისის მონახულებაც ჩასვა, შენ გვერდით გვიგულე – Bolt-ის ტაქსი ქუთაისში შენს საუკეთესო მგზავრობის გამოცდილებაზე იზრუნებს.
საქართველოს ერთ-ერთი უძველესი და ულამაზესი ქალაქი – ნამდვილი საგანძურია თავისი მდიდარი ისტორიით, გამორჩეული კულტურით და განსაკუთრებული ხასიათით. მის უნიკალურ და გამორჩეულ ღირსშესანიშნაობებზე კი შემდეგ ბლოგში მოგიყვებით, ამიტომ თვალი გვადევნე!
