10 ოქტ. 2023
სასწავლო წლის დასაწყისს ახალი მოლოდინები, განცდები და, მათ შორის, საჭიროებები ახლავს თან. ეს ეტაპი გამოწვევებისა და თავგადასავლების პირისპირ აყენებს როგორც მოსწავლეებს, ისე მათ მშობლებს.
თუმცა, აუცილებელია აღინიშნოს, რომ ეს პროცესი ძალიან ბევრ საზრუნავთან არის დაკავშირებული და არ ისე მცირე ხარჯებს მოითხოვს მშობლებისგან.
იქიდან გამომდინარე, რომ ჩვენი პარტნიორი მძღოლებიც ამ წინასასკოლო სამზადისში იყვნენ ჩართული, გადავწყვიტეთ ჩვენც შეგვეტანა წვლილი და მცირედით მაინც შეგვემსუბუქებინა ეს დატვირთული პერიოდი. ჩვენ მათ მოსწავლე შვილებს საჩუქრები გავუმზადეთ.
აგვისტოს თვის ბოლოს, პარტნიორმა მძღოლებმა ჩვენგან მიიღეს შეტყობინებები, რომლის საშუალებითაც განაცხადის ფორმა უნდა შეევსოთ. ამის შემდეგ, პირველ 100 მძღოლს, რომელმაც განაცხადი შეავსო, გადავეცით სასკოლო ნივთებისგან შედგენილი სასაჩუქრე ნაკრები.
ასევე, ამ პროცესში მონაწილეობა მიიღო “სულაკაურის გამომცემლობამაც” და მოსწავლეებისთვის მხატვრულ ლიტერატურაზე 20%-იანი ფასდაკლების ვაუჩერები გამოყო.
თუმცა, ცხადია, ჩვენი კონტრიბუცია ამით არ მთავრდება და სამომავლოდ კიდევ მრავალ წამახალისებელ აქტივობას ვგეგმავთ.
მადლობას ვუხდით თითოეულ პარტნიორ მძღოლსა და მგზავრს, რომელთა ჩართულობის გარეშე შეუძლებელი იქნებოდა მსგავსი პროექტების დაორგანიზება.
Bolt-ის გუნდი გილოცავთ ახალი სასწავლო წლის დაწყებას და გისურვებთ წარმატებებით დახუნძლულ სემესტრს!
